廷欣出世至今已經接近1個半月,眼見由出世既7磅4安士到而家接近10 磅既佢日日都肥肥白白咁成長都好開心.....只希望佢唔好成日扭計乖D就好喇!

好耐好耐都未試過訓唔著,尋晚訓唔著走左出廳睇電視,睇睇下就已經天光,成6點幾我先上床訓但係上到床我仍然唔係好想訓,係張床到轉轉下自己就訓著左....真係好耐好耐都未試過有依種感覺....
尋晚一路睇電視一路諗左好多野...發現原來你對人好滿足人地既需要既時候,倒返轉頭人地係唔會理會你既感受,個心係有D難受....對一D人黎講,或許有更多既野係比自己最親既人更重要,自己應該要習慣!記得廷欣出世後既某一日同一個好朋友傾計,佢問我有無後悔過咁早結婚同生BB,好記得自己當時仍然答佢無後悔,記得細個既時候我已經學識左做任何野都唔可以後悔,路係自己行出黎依個道理,尋晚有一刻我真係覺得後悔但係今日訓醒後,仍然做返自己,要為自己加油...因為我知道路已經行左無得退後!

好多謝一個朋友送比我既一句說話,我會記住依句說話去捱埋我黎緊最辛苦既18年!

搭入9個半月...心情仍然係期待中!

縱使心裡有千千萬萬個問題但答案永遠都唔會知!!!!

今個禮拜開始放假係屋企靜待bb既來臨.....BB而家已經37周喇.....BB隨時就會到依個世界同我地見面!期待中........

係依幾日我先發現就算身邊再親既人都唔會明白自己,有時候我會諗真係我既要求太高定係我對佢既重要性會隨著時間而改變???唔開心又點?嬲又點???無論點對於某D人黎講都係無動于衷......或許係佢過份後之後覺....但係我又可以點????????


有時候明明見到但係就係為左大家而扮睇唔到,或許係我令願佢自己坦白同我講重好過大家要鬧交....但係點解佢又可以當無依回事??都三年喇....點解依個問題仍然要繼續存在,係咪真係要挑戰我既底線?????依條刺只會繼續留係我心裡面...........

時間過得比我想象中仲要快,特別係每一日都見住自己個肚不斷地膨脹亦都證明BB好快就會出世啦!唔經唔覺就步入35周喇.........返多兩個禮拜工就開始放假喇.....好期待BB出世(P.S.好多BB野都仲未買....哈哈)....希望BB會早D出世咁我就可以舒服D唔駛成日都腰酸背疼連訓覺都覺得辛苦!!!!!

不過我都希望可以係BB出世前約到各方好友食飯聚一聚....如果唔係就要等好耐之後先可以有得聚...

當我既假期開始既時候亦都係時候要迎接我人生既第3階段,我要準備新既開始....都差唔多係時候諗定我既計劃!!!!!!